Sommarleir med ISK

Sommarleir - Sjøen og båtane

Målgruppe: 4.-8. klasse i Sogndal Kommune.

Tidspunkt: Veke 27: 5.- 9. juli 2021

Indre Sogn Kystlag (ISK) på Kaupanger arrangerer gratis sommarleir for born og ungdom i starten av juli. Gjensidigestiftelsen har gitt ISK midlar til å gi born og ungdom opplevelsar til sjøs og på land. 

Sommarleiren er frå kl. 10 til kl. 18 kvar dag og det serverast frukost, lunsj og middag. Vi vil satse på roing og segling med våre tradisjonsbåtar, klinkbygd i tre. Det vil bli aktivitetar og mestringsoppgaver knytta til sjøen og båtane.

Inntil 15 deltakarar, frå klassetrinn 4.-8 klasse får delta. Vi vil også lære om sjøvett og naturvern knytta til sjøen, historie om Sognefjorden, kystfriluftsliv og vår kulturarv.

Derfor skal vi ein dag også besøke Sogn Fjordmuseum, som ligg vegg i vegg, med ISK sin base på Kaupanger. På basen vår vil vi slå opp en stor lavvo. Programmet blir tilpassa været. 

Dei fleste av aktivitetane vil foregå på Amlabukti. Men ein dag skal vi segle og ro til en leirplass ved Sognefjorden der vi har sett opp lavvoen. Alle deltakarar må melde seg på til heile veka, 5 dagars sommarleir. Kvar enkelt må komme seg til og frå sommarleiren. Kvar dag startar vi opp med frukost kl 10.

Indre Sogn Kystlag (ISK) vil ha 6 instruktørar til stades, til å dele sine kunnskapar, samt til matlaging og servering. Dette også for sikkerheten til deltakarane. I tillegg vil ISK heile veka, frå morgon til kveld, ha en motorisert følgebåt med skipper, som ein ekstra sikkerhet når vi ror og seglar på fjorden.

Meld deg på ei spennande veke med oss i samråd med foreldre. 😊

Påmelding:

Påmelding finn du her: www.deltager.no/sjoen_og_batane. Påmeldinga startar tysdag 18. mai kl 18, og sluttar søndag 6. juni kl 23. Det er maksgrense for kor mange deltakarar me kan ha og påmeldinga skjer difor etter førstemann til mølla-prinsippet. Det blir mogleg å setje seg på venteliste om det blir fullbooka.  Er det fullbooka når du prøver å melde deg på kan du sette deg på venteliste ved å sende epost til pelle.haugen@gmail.com

Anna info: Pga covid-19 og smitteverntiltak kan det bli aktuelt å måtte avlyse arrangement på kort varsel.

Whatever it is, the way you tell your story online can make all the difference.